BAKI, 24 iyun — Sputnik. Rusiyanın 90-cı illərin vəziyyətinə qayıtmasını mümkün hesab etmirəm. Bunu Rusiya Federasiyası Prezidentinin mətbuat katibi Dmitri Peskov Dağıstanda baş verən hadisələr fonunda bildirib.
Jurnalistlər Kreml təmsilçisindən Dağıstandakı hücumlardan sonra Rusiyanın 2000-ci illərin əvvəllərində ölkədə mövcud olan vəziyyətə qayıda biləcəyi ilə bağlı narahatlıqların olub-olmadığını soruşublar.
"Xeyr, indi Rusiya fərqlidir, cəmiyyət tamamilə möhkəmlənib və dünən Dağıstanda gördüyümüz cinayətkar terror təzahürləri nə Rusiyanın özündə, nə də Dağıstanda cəmiyyət tərəfindən dəstəklənmir", - Peskov cavab verib.
Rusiya Milli Antiterror Komitəsindən RİA Novosti-yə verilən məlumata görə, iyunun 23-də Dərbənd və Mahaçqalada silahlılar iki pravoslav kilsəsinə, sinaqoqa və yol polisi postuna hücum ediblər. Terror aktları ilə bağlı cinayət işləri açılıb. Son məlumatlara görə, 15-dən çox polis əməkdaşı, həmçinin bir neçə mülki şəxs, o cümlədən Rus Pravoslav Kilsəsinin keşişi hücumların qurbanı olub. Bölgədə 24, 25 və 26 iyun matəm günləri elan edilib.