Tarixdə bu gün: 17 iyun – FOTO

BAKI, 17 iyun — Sputnik. İyunun 17-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib.

Elbəy Rzaquliyev (1926 - 2007) - Azərbaycan SSR xalq rəssamıdır. O, "Ögey ana", "Onun böyük ürəyi", "Telefonçu qız", "Arşın mal alan", "Sevil", "Uşaqlığın son gecəsi" və s. kinofilmlərin quruluşçu rəssamı olub.

Fidan Qasımova (1947) - Azərbaycan SSR xalq artisti və opera müğənnisidir. O, ABŞ, Almaniya, Böyük Britaniya, İsveç, Norveç və başqa ölkələrdə çıxış edib.

İqor Stravinski (1882 - 1971) - rusiyalı bəstəkar və dirijordur. O, XX əsrin dünya musiqi mədəniyyətinin ən böyük nümayəndələrindən biridir. Stravinskinin musiqisi üslub müxtəlifliyi ilə seçilir və bəstəkarlıqla yanaşı, o, həm də mahir pianoçu və dirijor kimi də dünya şöhrəti qazanıb. Bəstəkar Fransa (1934) və ABŞ (1945) vətəndaşıdır.

Kşiştof Zanussi (1939) - polşalı kinorejissor, ssenarist və prodüserdir. O, "Qızıl Aslan" Venesiya Film Festivalının baş mükafatı laureatıdır. Zanussinin ən məşhur filmləri "Qara günəş", "Ovucundakı ürək" kinolarıdır.

Aleksandra Zaxarova (1962) - Sovet və Rusiya aktrisası, RF xalq artistidir. O, "Kriminal istedad", "Sevgi formulu", "Əjdahanı öldürmək" və s. filmlərdə rol alıb.

1944-cü ildə Danimarkadan ayrılan İslandiya özünü respublika elan edib.

1970-ci ildə amerikalı alim Edvin Lend "Polaroid" kamerasını patentləşdirib.

1985-ci ildə ABŞ-da "Discovery" kabel televiziyası şəbəkəsi yaranıb.

1989-cu ildə Berlin hava limanında İl-62 layneri qəzaya uğrayıb. Bu qəzada 22 nəfər həyatını itirib.

2001-ci ildən 17 iyun Azərbaycanda Tibb İşçiləri Günü kimi qeyd olunur. 1918-ci ilin məhz bu günündə Azərbaycan Xalq Cümhuriyyətinin sərəncamı ilə Səhiyyə Nazirliyi təsis edilib.