BAKI, 10 iyun — Sputnik. Qlobal problemlərin həllində BRİKS-in rolu daha da artacaq. Getdikcə daha çox ölkə assosiasiyanın işinə maraq göstərir.
Bunu BRİKS Xarici İşlər Nazirləri Şurasının iclasında Rusiyanın xarici işlər naziri Sergey Lavrov deyib.
"Mən əminəm ki, BRİKS dəyişikliklər küləyi ilə irəliləyir, çünki onun qlobal problemlərin həllində rolu yalnız artacaq" - Rusiya Xarici İşlər Nazirliyinin rəhbəri bildirib.
Lavrov BRİKS-də bərabərhüquqlu əməkdaşlıq prinsipinin sözdə deyil, əməldə həyata keçirildiyinə diqqət çəkib. Belə ki, assosiasiya qarşılıqlı hörmət, açıqlıq, həmrəylik, praqmatizm və davamlılıq prinsipləri əsasında fəaliyyət göstərir.
Bundan əvvəl Rusiya Prezidenti Vladimir Putin qeyd edib ki, BRİKS-ə yeni üzvlərin əlavə olunması üçün böyük potensial var. Xüsusilə Türkiyə, Tailand, Venesuela və digər ölkələr bu təşkilata üzv olmaq istəklərini bildiriblər.