BAKI, 8 iyun — Sputnik. Bakı rusiyalıların uşaqlarla birgə uçduqları şəhərlərin siyahısında liderdir. Bu barədə "Tutu" səyahət xidmətinin araşdırmasında deyilir.
Səyahət xidməti uşaqlarla səyahət etmək üçün ən populyar şəhərlərin adlarını sadalayıb. Araşdırmada qeyd olunur ki, ilk üçlükdə Azərbaycan, Qırğızıstan və Belarusun adı var, 6 yaşınadək uşaqları olan sərnişinlər isə ən çox Bakıya və Oşa səyahət edirlər.
Ölkə sakinlərinin uşaqlarla birgə uçduğu Rusiyanın ən populyar şəhərləri Soçi, Moskva və Sankt-Peterburqdur. Aviaistiqamətlərin ilk onluğuna, həmçinin Kalininqrad, Mineralnıye Vodı, Mahaçqala, Yekaterinburq, Tümen, Krasnoyarsk və Ufa daxildir.
Qeyd edək ki, Dövlət Statistika Komitəsinin məlumatına əsasən 2024-cü ilin yanvar-aprel aylarında Azərbaycana dünyanın 174 ölkəsindən 726,4 min və ya əvvəlki ilin müvafiq dövrü ilə müqayisədə 38,9 faiz çox əcnəbi və vətəndaşlığı olmayan şəxs gəlib.
Gələnlərin:
28,8 faizi Rusiya Federasiyası,
19,0 faizi Türkiyə,
9,7 faizi İran,
8,4 faizi Hindistan,
4,6 faizi Gürcüstan,
3,1 faizi Qazaxıstan,
hər birindən 2,4 faiz olmaqla Səudiyyə Ərəbistanı və Pakistan,
1,9 faizi Birləşmiş Ərəb Əmirlikləri,
1,8 faizi Özbəkistan,
hər birindən 1,4 faiz olmaqla Ukrayna və Türkmənistan,
1,3 faizi Küveyt,
1,2 faizi Belarus,
1,1 faizi Çin,
11,5 faizi digər ölkələrin vətəndaşları olub.
Ötən ilin eyni dövrü ilə müqayisədə bu il Rusiyadan gələnlərin sayı 25,8 faiz artıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.