BAKI, 4 iyun — Sputnik. ABŞ-ın Rusiya uranına qarşı tətbiq etdiyi sanksiyaları bir gündə nüvə yanacağı bazarındakı vəziyyəti dəyişdirməyəcək.
Bu barədə "TASS" MAQATE rəhbəri Rafael Qrossinin söylədiklərinə istinadən xəbər verib.
"Bazarda dəyişikliklər olacaq, ancaq bir gün ərzində deyil. Bu, bir neçə il çəkəcək" - Qrossi deyib.
Xatırladaq ki, mayın 14-də ABŞ Prezidenti Co Bayden Konqres tərəfindən qəbul edilmiş Rusiyadan uran idxalını qadağan edən qanunu imzalayıb.
"Rosatom" dövlət holdinq şirkətinin rəhbəri Aleksey Lixaçyov bildirib ki, ABŞ şirkətləri qadağaya baxmayaraq, Rusiyadan uran məhsullarının tədarükü üçün müraciət edirlər.