Tarixdə bu gün: 31 may – FOTO

Sara Qədimova (1922-2005) - Azərbaycan SSR xalq artisti və xanəndədir. O, 1939-cu ildən Azərbaycan Dövlət Akademik Opera və Balet Teatrının səhnəsində çıxış edib.

Klint İstvud (1930) - ABŞ kinoaktyoru, kinorejissoru və bəstəkarıdır. O, Amerika Kino Akademiyasının beş mükafatı laureatıdır: "Ən yaxşı rejissor" və "Ən yaxşı film" nominasiyalarında dörd "Oskar", həmçinin prodüser kimi film sənətinə verdiyi töhfəyə görə İrvinq Talberq adına mükafatın qaqlibidir. Aktyor ABŞ Milli İncəsənət Medalı laureatıdır.

Georgi Burkov (1933-1990) - Sovet teatr və kino aktyoru, kinorejissor, RSFSR-in əməkdar artistidir. O, "Taleyin ironiyası, və ya həmişə təmizlikdə!", "Əfsanə belə başladı" və s. filmlərdə rol alıb.

Vladimir Kuzmin (1955) - Sovet və Rusiya rok musiqiçisi, RF xalq artistidir. O, "Karnaval" qrupunun yaradıcılarından və rəhbərlərindən biri, "Dinamik" qrupunun lideridir. Kuzmin Alla Puqaçova ilə əməkdaşlığı sayəsində geniş populyarlıq qazanıb.

Natalya Korolyova (1973) - Sovet və Rusiya müğənnisi, RF əməkdar artistidir.

Kolin Farrell (1976) - irlandiyalı aktyordur. O, "İsgəndər", "Telefon köşkü", "Xüsusi fikir" filmlərindəki rolları ilə məşhurlaşıb.

1859-cu ildə hazırda "Big Ben" kimi tanınan saat Londonda Vestminster Sarayının Saat qülləsində işə salınıb.

1868-ci ildə Paris yaxınlığında, Sen-Klu parkında ilk dəfə velosiped yarışı keçirilib.

1897-ci ildə Berlində Verner Siemens tərəfindən tikilən dünyanın ilk 300 m uzunluğunda olan elektrik dəmir yolu açılıb.

1942-ci ildə mühasirəyə alınmış Leninqradda "Dinamo" ilə LMZ (Leninqrad Metal Zavodu) arasında futbol oyunu keçirilib.

1988-ci ildə Ümumdünya Səhiyyə Təşkilatının Assambleyası 31 may tarixini Ümumdünya Tütünsüz Günü elan edib.