BAKI, 15 may — Sputnik. Rusiyanın ən böyük investisiya və infrastruktur layihələri sərgisi - "Russia Halal Expo" KazanForum XV beynəlxalq iqtisadi forumu çərçivəsində açılıb. Bu barədə RİA Novosti-nin müxbiri xəbər verir.
"İslam dünyası həmişə Rusiya üçün dünyanın ən mühüm iqtisadi tərəfdaşlarından biri olub və belə də qalır. İslam Əməkdaşlıq Təşkilatının maliyyəsi son üç ildə 37% artaraq 156 milyard dollardan çox olub" - Tatarıstanın baş naziri Aleksey Pesoşin sərginin açılışında bildirib.
O qeyd edib ki, bu gün Rusiya iqtisadiyyatının gücü məhsuldar qüvvələrin və xidmət sektorunun genişmiqyaslı artırılmasına, infrastruktur şəbəkəsinin geniş şəkildə gücləndirilməsinə, qabaqcıl texnologiyaların inkişafına, yeni müasir sənaye sahələrinin yaradılmasına yönəlib. Bütün bu potensial Rusiya Halal Expo beynəlxalq sərgisində təqdim olunur. Pesoşinin sözlərinə görə, sərgidə 11 ölkə və Rusiyanın 17 regionu iştirak edir.
"Bu, Rusiya Federasiyasının regionları ilə İƏT ölkələri arasında Rusiyanın ən böyük iqtisadi, elmi və texnoloji əməkdaşlıq sərgisidir və biznes layihələrin təşviqi və inkişafı üçün unikal məkan, forum iştirakçıları arasında konstruktiv dialoqun qurulması üçün platformadır" - Tatarıstanın baş naziri vurğulayıb.
"Rusiya Halal Expo" sərgisində investisiya və infrastruktur layihələri, İslam iqtisadiyyatında qarşılıqlı faydalı texnoloji ittifaqların təqdimatı, B2B layihələri, İslam iqtisadiyyatının təşəbbüsləri, iri biznes və KOB-ların məhsulları təqdim olunur.
Mayın 14-19-da Kazanda Rusiya və İslam Əməkdaşlıq Təşkilatı ölkələrinin "Rusiya - İslam Dünyası: KazanForum" Beynəlxalq İqtisadi Forumu keçirilir. KazanForum Rusiya ilə İslam Əməkdaşlıq Təşkilatı ölkələri arasında ticarət-iqtisadi, elmi-texniki, sosial və mədəni əlaqələrin möhkəmləndirilməsi üçün platformadır. Rusiya Federasiyası Prezidentinin fərmanı ilə forum 2023-cü ildə federal status aldı. Təşkilat komitəsinə Rusiya Federasiyası baş nazirinin müavini Marat Xusnullin rəhbərlik edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.