BAKI, 27 aprel — Sputnik. Xüsusi əməliyyat başa çatdıqdan sonra Rusiya və Avropa necə yaşamağa davam edəcəklərini razılaşdırmalıdırlar, lakin münasibətlər yeni təməllər üzərində qurulacaq.
Bunu Kremlin rəsmi nümayəndəsi Dmitri Peskov Fransa Prezidenti Emmanuel Makronun Rusiya Federasiyası ilə münasibətləri yaxşılaşdırmağa hazırlaşmağa çağırışını şərh edərkən deyib.
Xatırladaq ki, Makron bir gün əvvəl demişdi ki, Avropanın etibar edə biləcəyi Avropa təhlükəsizlik sistemini qurmaq lazımdır. O, Aİ ölkələrini Ukraynadakı münaqişə bitdikdən sonra Rusiya ilə münasibətlər qurmağa hazırlaşmağa çağırıb.
"Təhlükəsizlik sistemimiz Ukraynadakı münaqişə bitdikdən sonra Rusiya ilə qonşuluq münasibətləri qurmağa kömək edəcək", - Fransa lideri qeyd edib.
Peskov hesab edir ki, münasibətlər bu və ya digər şəkildə qurulmalı olacaq, çünki XHƏ gec-tez bitəcək.
"Rusiya Avropadan heç kimə təhlükə yaratmayan bir ölkə kimi gözləyir ki, Avropada da heç kim Rusiya Federasiyasına təhlükə yaratmasın. Nə olur-olsun, necə yaşayacağımızı razılaşdırmaq məcburiyyətində qalacağıq. Bu, münasibətlərin yeni modalitetləri haqqında razılaşmalar olacaq" - Rusiya Federasiyası Prezidentinin mətbuat katibi vurğulayıb.
Kreml əmindir ki, nə Moskva, nə də Avropa əvvəlki kimi münasibətlər qurmaq istəməyəcək. Rusiya indiki böyük təcrübəni nəzərə alacaq.
"Lakin coğrafi baxımdan biz bir-birimizdən uzaqlaşmayacağıq, ona görə də münasibətlər yeni təməllər üzərində qurulmalı olacaq", - Peskov sözünü yekunlaşdırıb.
Bundan əvvəl Fransa lideri Emmanuel Makron bildirib ki, yaxın gələcəkdə Avropa zəifləmə və hətta ölümlə üzləşə bilər.