BAKI, 13 aprel — Sputnik. Aprelin 13-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gün də tarixə düşən hadisələr baş verib.
Aprelin 13-də kimlər dünyaya gəlib?
Aida Abdullayeva (1922-2009) – AR əməkdar artisti və Azərbaycanda arfa ifaçılığının banisidir. O, həm ölkədə, həm də digər ölkələrin simfonik orkestrlərində ifa edən 50-dən çox peşəkar arfa ifaçısı yetişdirib.
Aida Abdullayeva
© Photo : Public Domen
Tomas Cefferson (1743-1826) - ABŞ-ın üçüncü prezidenti (1801-1809) və İstiqlal Bəyannaməsinin əsas müəllifidir. O, kilsənin dövlətdən ayrılması doktrinasının müəlliflərindən biridir.
Tomas Cefferson
© Photo : Public Domen
Mixail Şufutinski (1948) - Sovet və Rusiya estrada müğənnisi, RF əməkdar artistidir. Müğənni "İlin şansonu" mükafatının qalibidir.
Tatyana Navka (1975) - Belarus və Rusiya fiqurlu konkisürən, üçqat Rusiya çempionu (2003, 2004, 2006), üçqat Avropa çempionu (2004-2006), ikiqat dünya çempionu (2004, 2005) və Rusiyanın əməkdar idman ustasıdır (2004). Tatyana 2014-cü ildən Rusiya prezidentinin mətbuat katibi Dmitri Peskovun həyat yoldaşıdır.
Aprelin 13-də dünyada baş verən tarixi hadisələr
1932-ci ildə SSRİ Xalq Komissarları Soveti "Baykal-Amur dəmir yolunun tikintisi haqqında" qərar qəbul edib.
1952-ci ildən Ümumdünya Rok-n-Rol Günü qeyd olunur. Onun təşəbbüskarı amerikalı musiqiçi, eyni zamanda mahnı müəllifi və rok-n-rolun ilk ifaçısı Bill Haley olub.