Tarixdə bu gün: 12 aprel – FOTO

BAKI, 12 aprel — Sputnik. Aprelin 12-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gün də tarixə düşən hadisələr baş verib.

Seyid Şuşinski (1889 - 1965) - Azərbaycan xanəndəsi, Şuşa xanəndəlik məktəbinin nümayəndəsi və Azərbaycan SSR xalq artistidir. O, novator sənətkar olaraq, bir çox muğamları birləşdirib onları yeni variantda oxuyub.

İsa Muğanna (1928 - 2014) - Azərbaycan SSR xalq yazıçısı və ssenaristdir. O, "Teleqram", "Saz", "Tütək səsi" və s. əsərləri ilə məşhurdur. Yazıçının ssenariləri əsasında "Nəsimi", "Ulduzlar sönmür" və s. filmlər çəkilib.

Endi Qarsia (1956) - ABŞ aktyoru və rejissorudur. O, "Toxunulmazlar", "Qara yağış", "Daxili araşdırma", "Xaç atası-3" və s. filmlərdə rol alıb.

Mixail Turetski (1962) - rusiyalı müğənni, musiqi prodüseri, şoumen və Rusiya Federasiyasının xalq artistidir. O, "Türk xoru" bədii qrupunun və "SOPRANO" qadın musiqi qrupunun yaradıcısı və prodüseridir.

Olqa Seryabkina (1985) - rusiyalı müğənni, aktrisa və teleaparıcıdır. O, 2006-2019-cu illərdə "SEREBRO" qrupunun yeganə daimi solisti olub. Müğənni "Mama Lyuba", "Mimimi", "Mən səndən əl çəkməyəcəyəm" və bir çox başqa hitlər də daxil olmaqla, qrupun mahnılarının əksəriyyətinin sözlərinin müəllifidir.

1968-ci ildə Beynəlxalq Aviasiya Federasiyası öz qərarında Ümumdünya Aviasiya və Kosmonavtika Gününün qeyd edilməsini təsis edib. Məhz bu gun, aprelin 12-si sovet kosmonavtı Yuri Qaqarin "Vostok-1" kosmik gəmisi ilə ilk kosmik uçuşunu həyata keçirib. Bu tarixi uçuşun cəmi 108 dəqiqə davam etməsinə baxmayaraq kosmosun tədqiqində yeni bir eranın başlanğıcı olub.

1975-ci ildə İngiltərənin Hall Universitetindəki laboratoriyasında ingilis psixoloqu Keyt Hirn tərəfindən ankaqlı yuxu fenomeni ilk dəfə eksperimental olaraq təsdiqlənib. Bu hadisənin xatirəsinə məhz bu gün beynəlxalq ankaqlı yuxular günü kimi qeyd olunur.

1981-ci ildə insanın kosmosa ilk uçuşunun 20-ci ildönümündə ABŞ-ın "Kolumbiya" kosmik gəmisi kosmosa üçüb. Komandir Con Yanq və pilot Robert Krippenin heyətində olan ekipajın idarə etdiyi sınaq uçuşu iki gün sonra Kaliforniyadakı "Edvards" Hərbi Hava Qüvvələri bazasında yumşaq enişlə başa çatıb.

1995-ci ildə ABŞ-da dünyanın ən məşhur axtarış sistemlərindən biri – Yahoo istifadəyə verilib!