BAKI, 26 mart - Sputnik. Tədqiqatçı və “100-ə qədər yaşa” serialının yaradıcısı Den Büttner deyir ki, bağçılıq və bağbanlıq həyatı idmandan daha yaxşı uzadır. O, uzunömürlülüyün gözlənilməz sirrini britaniyalı epidemioloq professor Timoti Spektorun podkastında açıqlayıb.
Büttner bildirib ki, bağbanlıq uzunömürlülüyün əsas amillərindən biridir. Onun sözlərinə görə, ünsiyyətdə olduğu yüzilliklərin, demək olar ki, hamısı gənclikdən qocalığa qədər yerlə işləyib.
“Mən mübahisə edərdim ki, bağçılıq idman zalına getməkdən daha yaxşıdır. Bu, uzunömürlülük üçün edə biləcəyiniz ən yaxşı məşqdir”, - deyə tədqiqatçı bildirib.
Büttner hesab edir ki, bağçılığın müsbət təsirləri insanların açıq havada çox vaxt keçirməsi və əkin, suvarma, alaq otları və məhsul yığımı zamanı müntəzəm yüngül idmanla məşğul olmasıdır. Bundan əlavə, onlar daha çox öz torpaqlarında yetişdirilən bitki qidalarını yeyirlər, ekspert qeyd edib.
"Mən araşdırmalar görmüşəm ki, bağçaya baxdığınız zaman kortizol və ya stress hormonları səviyyəniz azalır", - deyə Büttner yekunlaşdırıb.