BAKI, 5 mart — Sputnik. Almaniyanın yüksək rütbəli zabitlərinin arasında baş tutan söhbətinin ələ keçirilmiş qeydləri bu ölkənin denasifikasiyasının tamamlanmadığını göstərib.
Bunu Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova Ümumdünya Gənclər Festivalında deyib.
Onun sözlərinə görə, bu vəziyyət dəyişdirilməsə, Almaniya üçün təhlükəli olacaq.
"Ən dəhşətlisi odur ki, bu, təhlükəyə gətirib çıxaracaq və bu bir faktdır, yoxlaya bilərsiniz - əgər heç bir şey edilməzsə, bu proses alman xalqının özü tərəfindən dayandırılmazsa, ilk növbədə Almaniyanın özü üçün dəhşətli nəticələrə səbəb olacaq" - diplomat qeyd edib.
Xatırladaq ki, Bundesver Hərbi Hava Qüvvələri Komandanlığının əməliyyatlar və təlimlər şöbəsinin müdiri Frank Qrefe, Hərbi Hava Qüvvələrinin müfəttişi İnqo Gerharts, habelə AFR hərbi idarəsinin kosmik komandanlığının hava əməliyyatları mərkəzinin əməkdaşları arasında olan söhbətin mətni dərc olunub. Bundan əlavə söhbətdə alman hərbçiləri "Taurus" raketlərindən istifadə edərək Krım körpüsünü məhv etmək üçün "intensiv" iş elan ediblər.