BAKI, 17 noyabr — Sputnik. Bloqqer Teyin nənəsi öz cazibədarlığının sirlərini açıqlayıb. Müvafiq video Teyin "TikTok" hesabında peyda olub.
Yayımlanan görüntülərdə "taygusta" ləqəbli istifadəçinin 102 yaşlı qohumu xüsusi şirənin onun xarici görünüşünü qoruyub saxlamağa kömək etdiyini bildirib. Onun sözlərinə görə, şirənin tərkibində aloe vera, kələm, kərəviz, zəncəfil, cəfəri və su kimi maddələr var. Qadın hər səhər bu qarışığı içdiyini vurğulayıb.
Bundan əlavə, nənə onu da etiraf edib ki, sağlam qidalanma onun uzunömürlülüyünü qorumağa kömək edir.
İzləyicilər postun altındakı şərhlərdə qadının tövsiyəsini yüksək qiymətləndiriblər.
"Bunu sınamaq üçün səbirsizlənirəm! Təşəkkürlər, nənə", "İndi mən gələn həftə nə alacağımı bilirəm", "Bu nənənin yaşında olanda onun qədər yaraşıqlı olacağıma ümid edirəm", – deyə izləyicilər fikirlərini bildiriblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.