BAKI, 12 noyabr - Sputnik. ABŞ Prezidenti Co Bayden ÇXR rəhbəri Si Cinpinlə ikitərəfli münasibətlərin, o cümlədən Pekinin Tehran və Moskva ilə əlaqələrinin əsas məsələlərinə dair "sərt söhbət" etməyi planlaşdırıb.
Bu barədə “Politico” nəşri yüksək vəzifəli amerikalı rəsmilərinə istinadən yazır.
Nəşrin qeyd etdiyinə görə, ABŞ Prezidenti Çin liderini Tehranın “Yaxın Şərqdə zorakılığı artırmağa və ya yaymağa çalışmamağı üçün” ona təsir göstərmək niyyətindədir. O, həmçinin "Ukrayna münaqişəsində Çinin Rusiyaya dəstəyini" də müzakirə etməyə hazırlaşır.
Digər bir mövzu da ABŞ-da opioidlərin həddindən artıq dozada olması epidemiyasında Pekinin rolunun olması olacaq. Bu yaxınlarda Ağ Ev Çini Meksika kartellərində, daha sonra isə ABŞ-da bu preporatların istehsalına nəzarəti sərtləşdirməyi istəməməkdə günahlandırıb.
Qeyd olunur ki, Bayden bu görüşü seçki kampaniyası öncəsi ikitərəfli münasibətləri yenidən bərpa etmək üçün Si Cinpinə təsir etmək üçün son şansı hesab edir.
Xatırladaq ki, Co Bayden 2023-cü il noyabrın 15-də San-Fransiskoda Si Cinpinlə ikitərəfli görüş keçirəcək.