BAKI, 28 oktyabr - Sputnik. Budapeşt Rusiya və Ukrayna nümayəndələrinin istədikləri halda danışıqların aparılmasını təmin etməyə hazırdır.
Bu barədə RİA Novosti Macarıstanın xarici işlər naziri Peter Siyartonun söylədiklərinə istinadən xəbər verir.
Macarıstanın Moskva ilə Kiyev arasındakı danışıqların bərpa olunacağı təqdirdə vasitəçi kimi çıxış etməyə və bu danışıqları təmin etməyə hazır olub-olmaması sualına cavab verən Siyarto qeyd edib ki, yalnız hər iki tərəfin istədiyi halda vasitəçi ola bilərlər. Bu, yalnız onlardan asılı deyil.
Siyatro əlavə edib ki, Macarıstan bu müraciəti aldığı təqdirdə, dərhal müsbət cavab verəcək.
Bu yaxınlarda "dikGAZETE" nəşri yazıb ki, Qərb ölkələrinin dəstəyini itirdiyini anlayan Vladimir Zelenskinin hərəkətləri onunla sülh danışıqları aparmağı mümkünsüz edir.
Leonid Kuçmanın keçmiş müşaviri Oleq Soskin Ukraynanın dövlətçiliyini qoruyub saxlaması üçün Yeni ilə qədər Rusiya ilə sülh müqaviləsi bağlamalı olacağı fikrini söyləyib.