BAKI, 21 oktyabr - Sputnik. Futbol üzrə dünyanın ən bahalı qapıçıları müəyyənləşib. Azərtac xəbər verir ki, “Transfermarket” portalının tərtib etdiyi siyahıda on qolkiperin adı yer alıb.
İlk üç pillədə Dioqu Koşta (“Portu”), Canluici Donnarumma (PSJ), Mayk Menyan (“Milan”) və Tibo Kurtua (“Real Madrid”) qərarlaşıb.
Portal onların hər birinin dəyərini 45 milyon avro qiymətləndirib.Növbəti sıralarda isə müvafiq olaraq Ederson (“Mançester Siti”, 40 milyon avro), Andre Onana (“Mançester Yunayted”, 40 milyon avro), Qreqor Kobel (“Borussiya” Dortmund, 35 milyon avro), Yan Oblak (“Atletiko”, 35 milyon avro), Alisson (“Liverpul”, 35 milyon avro), Mark-Andre ter Ştegen (“Barselona”, 35 milyon avro) yer alıblar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.