BAKI, 11 oktyabr — Sputnik. Avtomobil dayanacağında baş verən güclü yanğın səbəbindən Londonun "Luton" aeroportunda bütün aviareyslər dayandırılıb.
"Reuters" agentliyinin məlumatına görə, yanğınsöndürmə xidmətinin məlumatına görə, ikinci terminalda bəzi konstruksiyalar dağılıb. Yanğının söndürülməsinə ondan çox yanğınsöndürən maşın cəlb edilib. Dörd yanğınsöndürən və hava limanının bir əməkdaşı tüstü zəhərlənməsi diaqnozu ilə xəstəxanaya yerləşdirilib.
Qeyd edək ki, 2022-ci ildə 13,3 milyon sərnişinə xidmət göstərən "Luton" aeroportu "Heathrow", "Gatwick", "Manchester" və "Stansted"dən sonra Böyük Britaniyanın ən böyük beşinci hava limanıdır.