BAKI, 4 oktyabr — Sputnik. Rusiya prezidentinin mətbuat katibi Dmitri Peskov Qərb ölkələrinin "Rusiyanın təcrid olunmasında" müvəffəqiyyət qazanması barədə açıqlamalarını əsassız adlandırıb, çünki getdikcə daha çox ölkə Moskva ilə əməkdaşlıq etmək istəyini ifadə edir.
Bu barədə Rusiya mediası Kremlin nümayəndəsinin oktyabrın 4-də keçirdiyi mətbuat konfransında söylədiklərinə istinadən xəbər verib.
"Getdikcə daha çox ölkə Rusiya ilə bərabərhüquqlu münasibətlər qurmaq istəyir, bu proses davam edəcək", - deyə Rusiya prezidentinin mətbuat katibi deyib.
Öz növbəsində, Prezident Vladimir Putin dəfələrlə vurğulayıb ki, Rusiyanı təcrid etmək prinsipcə mümkün deyil və bunu başa düşmək üçün "xəritəyə baxmaq", eləcə də Qərbin tətbiq etdiyi sanksiyalarına baxmayaraq Moskvanın bir çox ölkələrlə əməkdaşlığının fəal inkişafına nəzər yetirmək kifayətdir.