BAKI, 28 sentyabr — Sputnik. Polşada qarşıdan gələn seçkilərdə hakim Qanun və Ədalət partiyası ilə ifrat sağçı Azadlıq və Müstəqillik Konfederasiyası qələbə şanslarını artırmaq üçün ittifaqa girə bilərlər. Bu baş verərsə, Ukraynanın Avropa İttifaqına (Aİ) daxil olması və ukraynalı qaçqınların vəziyyəti risk altında olacaq.
Bu sözləri Amerikanın "Foreign Policy" nəşrinin şərhçisi Pol Hokenos deyib.
"Varşavadakı hökumətin daha çox millətçi əhval-ruhiyyəsi Ukraynanın Avropa Birliyinə gedən yolunu kəsə bilər. Ukraynaya yüksək subsidiyalar Polşanın Avropa tortunun bir hissəsini kiçildəcək", - deyə müəllif qeyd edib.
Materialda vurğulanıb ki, ifrat sağçı Azadlıq və Müstəqillik Konfederasiyası artıq Ukraynaya qarşı mənfi münasibətini açıq şəkildə nümayiş etdirir. Nümunə kimi müəllif küçədə "Ukraynaya qayıdın" deyə qışqıran polyakların ifadələrini və sosial şəbəkələrdə oxşar məzmunlu yazıları göstərib.
Eyni zamanda, Polşa ilə Ukrayna arasında münasibətlər son vaxtlar Varşavanın Ukraynadan taxıl tədarükünə tətbiq etdiyi embarqoya görə mürəkkəbləşib.
Bundan əvvəl Böyük Britaniyanın Polşa ilə əlaqələr üzrə parlamentlərarası qrupunun baş məsləhətçisi Corc Bıçinski Ukrayna lideri Vladimir Zelenskinin hücumları və nankorluğu səbəbindən müttəfiqlərinin dəstəyini itirə biləcəyini deyib. Ekspert onu da əlavə edib ki, Zelenski və Ukrayna taxıl maqnatları dialoq qurmaq əvəzinə, ictimai sui-istifadə və məhkəmə çəkişmələrini seçiblər.