BAKI, 21 sentyabr — Sputnik. İran Azərbaycan və Ermənistana, eləcə də bu ölkələrdən İslam Respublikasına uçuşlara qoyulmuş qadağanı aradan qaldırıb. Bu barədə ISNA agentliyi İranın Mülki Aviasiya Təşkilatının nümayəndəsinə istinadən məlumat yayıb.
"Qarabağda hərbi əməliyyatların başlaması ilə bağlı xəbərlər gələndə biz uçuşlara qadağa qoyduq. Atəşkəslə bağlı razılaşma məlum oldu, ona görə də bəzi uçuşlara icazə verildi", - Təşkilatın nümayəndəsi bildirib.
Xatırladaq ki, İran hakimiyyəti sentyabrın 20-də Azərbaycan və Ermənistana bütün reysləri, həmçinin bu ölkələrdən İslam Respublikasına uçuşları ləğv edib. Bildirilib ki, bu qərar sərnişinlərin təhlükəsizliyini təmin etmək məqsədi ilə - növbəti xəbərdarlığa qədər verilib.