BAKI, 19 sentyabr — Sputnik. BMT-nin baş katibi Antonio Quterreş Avropa Şurasının rəhbəri Şarl Mişel və Avropa diplomatiyasının rəhbəri Jozep Borrel ilə Ukraynadakı münaqişəni müzakirə ediblər.
BMT-nin mətbuat xidməti bu barədə xəbər verib.
Hesabatda qeyd edilib ki, tərəflər Ukraynadakı münaqişəni və "onun qlobal nəticələrini, xüsusilə ərzaq təhlükəsizliyi üçün olan nəticələri" müzakirə ediblər.
"Onlar Saheldə təhlükəsizlik və humanitar vəziyyətin pisləşməsi, eləcə də regionda qeyri-konstitusiya hökumət dəyişiklikləri dalğasının mənfi təsirindən narahat olduqlarını bildiriblər. Onlar, həmçinin iqlim dəyişikliyi və COP28-ə (BMT-nin iqlim konfransı) hazırlıq məsələlərini, eləcə də Dayanıqlı İnkişaf Məqsədlərinin inkişafını müzakirə ediblər", - deyə BMT-də qeyd edilib.