BAKI, 8 sentyabr — Sputnik. Pittsburqdakı Karnegi-Melon Universitetinin alimləri müəyyən etdilər ki, 1,5 ° C istiləşmə zamanı 2100-cü ilə qədər bütün planetdə dağlar qar örtüyünün yarısını itirəcəklər.
Araşdırmanın nəticələri NASA-nın saytında dərc olunub.
Bu hədd 2015-ci il Paris İqlim Sazişində müəyyən edilib. Əvvəllər hesab olunurdu ki, bu həddə qədər istiləşmə planet və onun sakinləri üçün fəlakətli nəticələrə səbəb olmayacaq.
Alimlərin materiallarından belə nəticəyə gəlmək olar ki, gələn əsrin əvvəllərində Mərkəzi Avropada, eləcə də Kanada və Alyaska ilə birlikdə ABŞ-ın qərbində bütün buzlaqlar əriyə bilər ki, bu da dəniz səviyyəsinin doqquz santimetr qalxmasına səbəb olacaq. Bundan əlavə, 4°C istiləşmə ilə dünyadakı buzlaqların 80%-i əriyəcək. Tədqiqatçılar bu qənaətə gəliblər ki, okeanın səviyyəsi 15 santimetr yüksələcək.
Əvvəllər alimlər genişmiqyaslı tədqiqatlar apardıqdan sonra müəyyən etmişdilər ki, aktiv vulkanlar Antarktidanın buzları altında gizlənir və onlardan biri püskürməyə başlayarsa, bu, bütün planet üçün geniş miqyaslı nəticələrə gətirib çıxara bilər. Hazırda onlar heç bir təhlükə yaratmırlar, lakin tezliklə qlobal istiləşmə səbəbindən hər şey dəyişə bilər.