BAKI, 25 avqust — Sputnik. Ukrayna pilotsuz uçan aparatlarının terror fəaliyyəti əvvəllər də olub və hava hücumundan müdafiə sistemi onlara qarşı kifayət qədər effektiv işləyir. Bunu Rusiya prezidentinin sözçüsü Dmitri Peskov deyib.
"Bu fəaliyyət əvvəllər də baş verib, bütün müvafiq hava hücumundan müdafiə sistemləri kifayət qədər səmərəli işləyir. Təbii ki, bu hücumlar faktiki terror fəaliyyətinin xüsusiyyətlərini daşıyır. Çünki o, əksər hallarda sadəcə yaşayış binalarına və yaşayış obyektlərinə yönəlib. Etiraf etməliyik ki, hava hücumundan müdafiə sistemi və bütün lazımi müdafiə sistemləri effektiv işləyir", - Peskov bildirib.
Xatırladaq ki, bir neçə gün öncə Ukrayna silahlı qüvvələri Belqorodun Lavı kəndindəki sanatoriyanı atəşə tutub. Həmçinin Rusiya Federasiyası Müdafiə Nazirliyinin məlumatına görə, Kiyev avqustun 23-ü gecə saatlarında üç PUA ilə Moskvadakı obyektlərə hücum etməyə cəhd edib.
"Paytaxta hücum edən PUA-lardan ikisi Moskva vilayətinin Mojaysk və Ximki rayonları ərazisində havada hava hücumundan müdafiə sistemləri tərəfindən məhv edilib, biri "elektron mübarizə üsulu ilə tutulub və idarəetməni itirərək Moskvanın Siti-nin tikilməkdə olan binasına çırpılıb", - deyə nazirlikdən bildirilib.
Rusiya paytaxtının fövqəladə hallar xidmətinin məlumatına görə, hava hücumundan müdafiə qüvvələri tərəfindən gecə saatlarında məhv edilən pilotsuz təyyarənin qalıqları Moskva yaxınlığındakı Ximkidə fərdi yaşayış evinə və qeyri-yaşayış binasına ziyan vurub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.