BAKI, 19 avqust - Sputnik. Türkiyə Qara dəniz boğazlarında gəmiçilik qaydalarını tənzimləyən Montrö Konvensiyasına ciddi şəkildə əməl edir. TASS xəbər verir ki, bunu Türkiyə prezidentinin baş müşaviri Akif Çağatay Kılıç məlumat verib.
Onbun sözlərinə görə, Türkiyə hesab edir ki, adıçəkilən konvensiyanın pozulması Qara dəniz hövzəsində təhlükəsizlik riskləri yarada bilər.
“Montrö Konvensiyasının pozulması [Ukrayna böhranı başlayandan sonra] risklərl yarada bilərdi. Tərəflərdən biri Montrönü tanımadığını bəyan etsə, Türkiyə müdaxilə etməli olacaqdı. Biz ciddi riskə getdik və apardığımız balanslaşdırılmış siyasət sayəsində indiki vəziyyətə gəldik”, - deyə Kılıç CNN Türk-ün efirində bildirib.
Türkiyə hakimiyyəti daha əvvəl Rusiyanın Ukraynada xüsusi hərbi əməliyyatı başlayandan sonra Qara dənizə bir dənə də hərbi gəmi buraxmadıqlarını bəyan etmişdi.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.