BAKI, 13 avqust - Sputnik. Amerikalı alimlərin apardıqları araşdırmanın nəticələrinə görə, bir neçə sadə sağlam vərdişə əməl etməklə insan ömrünü iyirmi il artırmaq mümkündür.
Bu vərdişlərə fiziki aktiv olmaq, siqaret və içkidən imtina etmək, stresdən qaçmaq, sağlam qidalanmaq, kifayət qədər yatmaq, ətrafdakılarla xoş münasibət yaratmaq və bunu daim qoruyub saxlamaq daxildir.
Tədqiqat nəticəsində bəlli olub ki, fiziki cəhətdən aktiv və siqaretdən uzaq olan şəxslərin ölüm riski digərləri ilə müqayisədə 30-45% az olur.
Stresdən və alkoqoldan uzaq olmaq, sağlam qidalanma, kifayət qədər yatmaq, xoş münasibətlərin qurulması isə ömrün uzunluğunu daha da artıra bilər. Alimlər bildirir ki, bu vərdişlərin hər biri ölüm riskini 20% azaldır.
Alimlər bildirir ki, həyat tərzində kiçik dəyişikliklərlə - alkoqol qəbulunu azaltmaqla, daha aktiv həyat yaşamaqla uzun ömürlü olmaq olar.