BAKI, 13 avqust - Sputnik. Maui və Böyük adalarını əhatə edən və 2000-dən çox binanı məhv edən dağıdıcı meşə yanğınlarından sonra Havay adalarının bərpası 5,52 milyard dollara başa gələ bilər. Bu barədə RİA Novosti Maui dairəsinin rəsmilərinə istinadən məlumat yayıb.
Daha əvvəl NBC News Havay adalarının qubernatoru Coş Qrinə istinadən xəbər vermişdi ki, ABŞ-da Havayda davam edən ən ölümcül meşə yanğınları qurbanlarının sayı 89 nəfərə çatıb.
Maui əyalətinin hakimiyyət orqanları öz Facebook* səhifəsində statistik məlumat dərc edib, ona görə 2170 bina zədələnib və ya dağılıb, o cümlədən yaşayış binalarının 86%-i. Bərpanın təxmini məbləği 5,52 milyard ABŞ dolları həcmində qiymətləndirilir.
Maui adaları və Böyük Adadakı meşə yanğınları quru və isti hava səbəbindən başlayıb və Dora qasırğasının gətirdiyi güclü küləklər nəticəsində daha da şiddətlənir. Bəzi yanğınlar 400 hektar əraziyə çatır.
Yanğın bir neçə yaşayış məntəqəsini, o cümlədən məşhur turistik Lahaina şəhərini məhv edib. Hakimiyyət yolları bağlamağa məcburdur, ictimai nəqliyyat işləmir.
Yüzlərlə yerli sakin təxliyə edilib. Prezident Co Bayden Havaydakı bütün federal qurumlara, o cümlədən orduya yanğınlara qarşı mübarizəyə qoşulmağı əmr edib.
Pentaqon daha əvvəl yerli hakimiyyət orqanlarına kömək etmək üçün Milli Qvardiyanın əsgərləri və helikopterlərinin cəlb olunduğunu bildirmişdi.
* Meta-nın (Facebook və Instagram sosial şəbəkələri) fəaliyyəti Rusiyada ekstremist kimi qadağan edilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.