BAKI, 7 avqust — Sputnik. Türkiyənin qərbində yerləşən Tekirdağ vilayətində kimya zavodunda yanğın baş verib. Bu barədə "A haber" telekanalı məlumat yayıb.
"Çərkəzköy ərazisində kimya zavodunda baş verən yanğını söndürməyə çalışırlar. Velimeşe mütəşəkkil sənaye zonasında yerləşən kimya zavodunda naməlum səbəbdən yanğın baş verib", - telekanalın məlumatında qeyd edilir.
Şahidlərin sözlərinə görə, hadisə yerinə çoxlu yanğınsöndürmə briqadaları göndərilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.