BAKI, 30 iyul - Sputnik. Azərbaycanın və “Qəbələ” İdman Klubunun MMA döyüşçüləri növbəti döyüşlərini keçiriblər.
Tofiq Musayev və Vüqar Kərəmov "Bellator" və "Rizin"in birlikdə təşkil etdiyi "Super Rizin 2" turnirində kəmər döyüşünə çıxıblar.
Hər iki idmançı Yaponiyada baş tutan turnirdə rəqibinə qalib gəlib. Musayev yerli idmançı Akira Okada ilə üz-üzə gəlib. O, döyüşün ikinci raundunda rəqibini nokauta salıb.
Kərəmov isə yaponiyalı Mikuri Asakura ilə qarşılaşıb. Döyüşçü 1-ci raundda boğucu fəndlə qələbə qazanıb.