BAKI, 27 iyul — Sputnik. Ermənistan Müdafiə Nazirliyi 2,5 milyard dram (təxminən 6,5 milyon dollar) məbləğində əlavə vəsait alacaq.
Bu barədə qərar Ermənistan hökumətinin iclasında qəbul edilib.
Qərarda qeyd olunub ki, vəsait nazirliyin bu yaxınlarda nəzərdə tutulmayan ehtiyaclarını ödəmək üçün - həm cari, həm də ümumi xərclər üçün nəzərdə tutulub.
Buna bənzər qərar əvvəlki iclasda da qəbul edilib: o zaman nazirlik 6,7 milyard dram (17 milyon dollardan bir qədər çox) alıb.
Xatırladaq ki, 2022-ci illə müqayisədə respublikanın 2023-cü il üçün müdafiə büdcəsinin 506 milyard dram (təxminən 1,31 milyard dollar) və ya 35%-dən çox olması planlaşdırılır. Eyni zamanda, 2023-cü ilin birinci rübündə Müdafiə Nazirliyinin tabeliyində olan əsaslı tikinti işləri xeyli az yerinə yetirilib. Planlaşdırılan 60,7 milyard dramdan (təxminən 158 milyon dolları) faktiki olaraq, tikintiyə 10,5 milyard dram (50 milyon dollardan bir qədər çox) xərclənib. Bu da tikintiyə ayrılan vəsaitlərin aidiyyatı üzrə üç dəfədən də az xərcləndiyini göstərir.