BAKI, 18 iyul — Sputnik. Azərbaycan Dövlət Neft Şirkəti (SOCAR) və Böyük Britaniyanın BP şirkəti ilk dəfə olaraq İsrailin Aralıq dənizindəki dəniz zonasında təbii qazın kəşfiyyatı üçün lisenziyanın verilməsi üzrə tenderdə iştirak ediblər. Bu barədə "Reuters" xəbər verir.
Bildirilir ki, söhbət burada aşkarlanan "Leviafan" və "Tamar" yataqlarının yaxınlığında yerləşən bloklarda təbii qaz ehtiyatları ilə bağlı kəşfiyyat işlərindən gedir.
BP və SOCAR İsrailin "NewMed Energy" şirkəti ilə birlikdə ötən bazar günü başa çatan dördüncü lisenziyalaşdırma mərhələsində iki dəniz bloku üçün müraciət edib.
"NewMed" artıq "Leviafan" yatağında təbii qaz hasilatı ilə məşğuldur. Şirkət bu yataqda 45 %-dən çox paya sahibdir.
Hərracın qalibləri bu ilin dördüncü rübündə açıqlanacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.