BAKI, 18 iyul — Sputnik. Yeni mövsümə hazırlaşan "Qəbələ" qapıçı axtarışını davam etdirir.
Bölgə təmsilçisinin transfer siyahısında yer alan daha bir qolkiperin adı bəlli olub.
"Qırmızı-qaralar" hazırda klubsuz olan Ceremi Vaşouksun xidmətində maraqlıdır. "Sent-Etyen"in yetirməsi olan fransalı qapıçı "Lans", "Orlean", "Dunkerk", "Karabobob"da da forma geyinib.
29 yaşlı qapıçı Azərbaycanda oynamağa razılıq verib. Tərəflər müqavilənin bütün şərtlərini razılaşdıra bilsə, Ceremi yaxın günlərdə "Qəbələ"yə qoşulacaq (APA).
Qeyd edək ki, Qəbələnin eyniadlı təmsilçisi gələn həftə Konfrans Liqasında mübarizəyə başlayacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.