BAKI, 10 iyul — Sputnik. NATO-nun baş katibi Yens Stoltenberq Türkiyənin Aİ-yə daxil olmaq istəyini dəstəklədiyini bildirib, lakin bunun İsveçin NATO-ya daxil olması üçün yerinə yetirilməli olan tərəflərin razılaşdığı şərtlər siyahısında olmadığını xatırladıb.
"Mən Türkiyənin Aİ-yə daxil olmaq ambisiyalarını dəstəkləyirəm, lakin eyni zamanda Madriddə nəyi razılaşdırdığımızı xatırlamaq vacibdir. Bu, İsveçin alyansa üzv olmaq üçün yerinə yetirməli olduğu şərtlərin konkret siyahısında yoxdur". Stoltenberq deyib.
Baş katib qeyd edib ki, onun fikrincə, İsveç artıq bu şərtləri yerinə yetirib.
"İsveçin burada, Vilnüsdə üzvlüyü ilə bağlı hələ də müsbət qərara gəlmək mümkündür", - o əlavə edib və bu məsələdə heç bir zəmanət və ya əminlik olmadığını qeyd edib.
Bazar ertəsi Türkiyə prezidenti Rəcəb Tayyib Ərdoğan NATO sammitində Avropa ölkələrini ölkəsinin Aİ-yə yolunu açmağa çağıracağı təqdirdə, İsveçin NATO-ya üzvlüyünün mümkün olacağını bildirmişdi.
Hazırda Türkiyə və Macarıstan İsveçin NATO-ya daxil olmasını ratifikasiya etməyiblər. NATO-nun baş katibi Yens Stoltenberq ötən həftə bildirib ki, o, 11-12 iyulda Vilnüsdə keçiriləcək NATO sammitindən əvvəl İsveçin alyansa gedən yolunda qalan maneələri siyasi səviyyədə aradan qaldırmağa çalışacaq.
Türkiyə 1999-cu ildən Aİ üzvlüyünə namizəddir. Lakin Ankara ilə Brüssel arasında bu məsələ ilə bağlı danışıqlar çoxdan dalana dirənib. Qərb mediası Türkiyənin namizədliyi ilə bağlı Aİ ölkələri arasında birliyin olmadığını qeyd edir.