BAKI, 25 iyun — Sputnik. Azərbaycanın karate üzrə 5 qat dünya və 11 qat Avropa çempionu Rafael Ağayev peşəkarların mübarizə apardığı "Karate Combat" turnirində növbəti döyüşünü keçirib.
Tokio-2020 Yay Olimpiya Oyunlarının gümüş mükafatçısı ABŞ-dan olan Coş Kuayhagenlə qarşılaşıb. Florida ştatının Mayami şəhərində baş tutan döyüş Ağayevin qələbəsi ilə başa çatıb.
Rafael Ağayev bu qələbəsinə görə komandasına təşəkkür edib.
Görüşdən dərhal sonra təəssüratlarını bölüşən 38 yaşlı idmançı baxımlı döyüşə görə rəqibinə də minnətdarlığını bildirib:
"Ona böyük hörmətim var. Bir daha çox sağ ol deyirəm. Dünyanın bütün tanınmış idmançıları buradadır. Onları alqışlayıram".
Qeyd edək ki, Rafael Ağayev "Karate Combat" turnirində 2018-ci ildə debüt edib.
O, karate üzrə 5 qat dünya və 11 qat Avropa çempionudur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.