BAKI, 13 iyun — Sputnik. Moskvanın cənub-şərqindəki "Sadovod" bazarında baş verən yanğın artıq söndürülüb.
Bu barədə Rusiya FHN-dən bildiriblər. Qeyd olunub ki, xilasedicilər "Sadovod" bazarında 30 kvadratmetrlik ərazidə baş verən yanğını lokallaşdırıblar.
"Saat 12:18-də yanğın tam söndürülüb", - nazirlikdən bildirilib.
Yanğın zamanı bir nəfər xəsarət alıb, o, dəm qazından zəhərlənib. Ona ambulator tibbi yardım göstərilib.
Bazarın mətbuat xidmətindən verilən məlumata görə, bazar əvvəlki kimi fəaliyyətini davam etdirir.
***
Moskvanın cənub-şərqindəki "Sadovod" bazarında yanğın baş verib, xilasedicilər hadisə yerində işləyirlər.
Bu barədə Rusiya Fövqəladə Hallar Nazirliyinin əməkdaşı bildirib.
Rusiya Fövqəladə Hallar Nazirliyinin paytaxt Baş İdarəsinin mətbuat xidməti qeyd edib ki, Moskvanın cənub-şərqində, Moskva Dairəvi yolunun 14-cü kilometrliyində yanğın baş verməsi barədə məlumat daxil olub.
"Yanğınsöndürmə və xilasetmə bölmələri hadisə yerində işləyirlər. Zərərçəkənlər barədə məlumat yoxdur", - deyə Nazirlikdən bildiriblər.
Şəhərin Fövqəladə Hallar Nazirliyinin nümayəndəsi bildirib ki, yanğın "Sadovod" bazarında baş verib.
Həmçinin qeyd olunur ki, yanğın artıq 3 pavilyonu bürüyüb.
"Sadovod" bazarı Moskvanın cənubundakı Moskva Dairəvi Yolunda 40 hektar ərazidə yerləşir və 8 min mağazanı əhatə edir. Hər il "Sadovod"u 36,5 milyon alıcı ziyarət edir. Bazar Azərbaycan əsilli yəhudi iş adamları Qod Nisanov və Zarah İliyevin "Kiyev meydanı" şirkətinə məxsusdur.
"Sadovod" bazarında sonuncu böyük yanğınlar 2022-ci ildə, iki dəfə isə 2018-ci ildə baş verib.