BAKI, 25 may — Sputnik. Vaşinqtonla dost olmaq "Titanik"ə bilet almağa bərabərdir, çünki ABŞ hazırda maliyyə uçurumunun astanasındadır.
Bunu Rusiyanın Bosniya və Herseqovinadakı səfirliyi özünün "Telegram" kanalında bildirib.
"Amerikalılar öz müttəfiqlərini, Vaşinqtonu "isbat edilmiş dost" hesab edən insanları amansızcasına taleyin ümidinə buraxırlar... ABŞ-ın bir ayağı maliyyə uçurumunun astanasındadır. Ola bilsin ki, onlar tanış üsulla - mətbəəni işə salmaqla çöküşü gecikdirməyə razılaşacaqlar, lakin artıq aydındır ki, Amerika özünün zorakılıq, irqi barışmazlıq, iqtisadi bərabərsizliyi ilə metastaza uğramış xəstə cəmiyyətdir", - bəyanatda belə deyilir.
Səfirlik əlavə edib ki, ABŞ həm də açıq-aşkar yalanlarla və suveren ölkələrin məhvi ilə məşğuldur.
Xatırladaq ki, Bosniya və Herseqovina 1992-ci il aprelin 5-də Yuqoslaviyadan müstəqillik qazanıb. Bosniya və Herseqovina Federasiyası, Serb Respublikası və Brcko rayonundan ibarət parlamentli respublikadır. Ölkə 2016-cı ilin fevralında Aİ-yə üzv olmaq üçün müraciət edib. 2022-ci ilin dekabrında onun üzvlüyü təsdiq edilib.
Bundan əvvəl Serb Respublikasının Prezidenti Milorad Dodik Rusiyanın yeni çoxqütblü dünyanın sütunlarından birinə çevriləcəyi ilə bağlı fikirlərini bildirmişdi.