BAKI, 19 may — Sputnik. Rusiya tərəfi Azərbaycan ilə Avrasiya İqtisadi İttifaqı (Aİİ) arasında əməkdaşlığın inkişafı üçün böyük potensial görür.
Bu barədə Rusiya Baş nazirinin müavini Aleksey Overçuk "Rusiya-İslam dünyası: KazanForum" XIV Beynəlxalq İqtisadi Forumunda çıxışı zamanı deyib.
"Azərbaycanın unikal coğrafi yerləşməsini, iqtisadiyyatının strukturunu, xarici ticarətini, milli inkişaf planlarını nəzərə alaraq, biz burada Azərbaycan Respublikası ilə Avrasiya İqtisadi İttifaqı arasında əməkdaşlığın inkişafı üçün yaxşı potensial görürük", - Overçuk bildirib.
O, bu yaxınlarda Rusiya Xarici İşlər Nazirliyi İran və Aİİ arasında azad ticarət sazişinin bağlanmasında irəliləyiş olduğunu qeyd edib.
Overçuk həmçinin bildirib ki, bu il Rusiya və Azərbaycan ticarət dövriyyəsini 5 milyard ABŞ dollarına çatdırmağı planlaşdırır.
“Rusiya ilə Azərbaycan arasında ticarət dövriyyəsi durmadan artır. Məsələn, 2022-ci ildə iki ölkə arasında ticarət dövriyyəsi 4 milyard 170 milyon ABŞ dolları təşkil edib. Bu, çox ciddi artım idi. Söhbət təxminən 24,5 %-lik artımdan gedir... Bu ildə yaxşı artım templəri müşahidə olunur. Buna görə də bu il Azərbaycanla Rusiya arasında ticarət dövriyyəsinin 5 milyard ABŞ dollarına çata biləcəyini gözləyirik”, - A.Overçuk bildirib.
2022-ci ildə Rusiya ilə ticarət əməliyyatlarının payı Azərbaycanın ümumi xarici ticarət dövriyyəsinin 8,83 %-ni təşkil edib.
2021-ci ilin yekunlarına görə, Azərbaycan ilə Rusiya arasında ticarət dövriyyəsinin həcmi 2020-ci illə müqayisədə 12,1 % artaraq 2,99 milyard ABŞ dollarına çatıb.