BAKI, 10 may — Sputnik. İrəvanda Nemezis abidəsinin ucaldılacağından xəbərdar idim, ancaq bu barədə Baş nazirə deməmişəm. Bunu Ermənistan Baş nazirinin müşaviri Qraçya Sarqsyan deyib.
Sarkisyan bildirib ki, "Nemezis" tarixi faktdır və bu fakt qeydə alınıb: "İndi Türkiyə bizi bu faktı dərsliklərimizdən çıxarmağa məcbur edə bilərmi? Bu sadəcə gülməlidir! Onlar ölkəmizin daxili işlərinə qarışmamalıdırlar", - deyə Sarqsyan Nemezis"lə bağlı danışarkən deyib.
Xatırladaq ki, Ermənistanın baş naziri Nikol Paşinyan "Azadlıq" radiosuna müsahibəsində deyib ki, "Nemezis" abidəsi məsələsində qərar yanlış olub.
"Bəli, bu bizim komandadır. Bu qərarı hökumət verməyib və demokratiyanın çatışmazlıqlarından biri odur ki, hökumət və ya hökumət başçısı heç də hər şeyə, hər kəsə nəzarət etmir. Mənim fikrimi bilmək istəyirsinizsə, o zaman hesab edirəm ki, yanlış qərar verilib və bu qərarın icrası da yanlış olub", - deyə Paşinyan bildirib.
Qeyd edək ki, aprelin 25-də Ermənistanın paytaxtı İrəvan şəhərində "Nemezis" terror əməliyyatına həsr olunan abidənin açılıb. Azərbaycan Xarici İşlər Nazirliyinin Ermənistanda "Nemezis" terror əməliyyatına həsr olunan abidənin açılması ilə əlaqədar bəyanatında bildirilib ki, bu abidənin Ermənistanın aidiyyəti dövlət qurumlarının icazəsi və təsdiqi ilə hazırlanması, habelə açılış mərasimində hakim partiyanın üzvü olan Ermənistan merinin müavini və digər rəsmilərin də iştirak etməsi Ermənistan tərəfindən terrorçuluq siyasətinin təşviq olunması və tarix boyu həyata keçirdiyi terror əməllərinin təbliğatıdır.