BAKI, 20 aprel — Sputnik. Xorvatiyanın paytaxtı Zaqrebdə keçirilən Avropa çempionatında sərbəst güləş üzrə Azərbaycan millisi dördüncü dəfə komanda hesabında qitə birincisi olub.
Sputnik Azərbaycan-ın məlumatına görə, sərbəst güləşçilər aktivlərinə 2 qızıl, 2 gümüş, 2 bürünc medal yazdırıblar.
Əliabbas Rzazadə karyerasında ilk Avropa çempionluğunu əldə edibsə, Hacı Əliyev rekorda imza atıb. 32 yaşlı pəhləvan 4-cü dəfə qitə birinciliyini qazanmaqla Azərbaycanın sərbəst güləş tarixinə düşüb.
Əliyev buna qədər Namiq Abdullayev, Cəbrayıl Həsənov və hazırkı baş məşqçisi Xetaq Qazyumovla birgə ən çox Avropa çempionu olan sərbəst güləşçi idi. Zaqrebdəki uğur onu mütləq rekordçu edib.
Üstəlik, Hacı Əliyev üç müxtəlif çəkidə bunu reallaşdırmaqla da ilki həyata keçirib. İndiyə qədər nə sərbəst, nə yunan-Roma, nə də qadın güləşçilərdən kimsə üç müxtəlif çəkidə qitə birincisi olmağı bacarıb.
Ümumiyyətlə, Azərbaycanın sərbəst güləş millisi müstəqillik illərində Avropa çempionatlarında 89 medal qazanıblar. Bunun 27-si qızıl, 25-i gümüş, 37-si isə bürüncdür.
Azərbaycanın müstəqillik illərində Avropa çempionatında medal qazanan sərbəst güləşçilər:
27 qızıl
Hacı Əliyev (4 dəfə) - 2014-cü il: Finlandiya (61 kq), 2018: Rusiya (65 kq), 2019: Rumıniya (65 kq), 2023: Xorvatiya (70 kq)
Namiq Abdullayev (3 dəfə) – 1994: İtaliya (52 kq), 1995: İsveçrə (52 kq), 2003: Latviya (55 kq)
Xetaq Qazyumov (3 dəfə) - 2009: Litva (96 kq), 2010: Azərbaycan (96 kq), 2011: Almaniya (96 kq)
Cəbrayıl Həsənov (3 dəfə) - 2010: Azərbaycan (66 kq), 2011: Almaniya (66 kq), 2019: Rumıniya (79 kq)
Məhəmməd İbrahimov (2 dəfə) – 1995: İsveçrə (82 kq), 1996: Macarıstan (82 kq)
Georgi Edişeraşvili (2 dəfə) – 2017: Serbiya (57 kq), 2018: Rusiya (57 kq)
Nazim Əlicanov (1 dəfə) – 2002: Azərbaycan (55 kq)
Əli İsayev (1 dəfə) – 2009: Litva (120 kq)
Çamsulvara Çamsulvarayev (1 dəfə) - 2009: Litva (74 kq)
Zəlimxan Huseynov (1 dəfə) - 2009: Litva (60 kq)
Mahmud Məhəmmədov (1 dəfə) - 2010: Azərbaycan (55 kq)
Toğrul Əsgərov (1 dəfə) – 2012: Serbiya (60 kq)
Ruslan Dibirhacıyev (1 dəfə) – 2014: Finlandiya (70 kq)
Şərif Şərifov (1 dəfə) - 2019: Rumıniya (92 kq)
Maqomedxan Maqomedov (1 dəfə) – 2022: Macarıstan (97 kq)
Əliabbas Rzazadə (1 dəfə) – 2023: Xorvatiya (57 kq)
25 gümüş
Cəbrayıl Həsənov (3 dəfə) – 2009: Litva (66 kq), 2014: Finlandiya (74 kq), 2016: Latviya (74 kq)
Aleksandr Qostiyev (3 dəfə) – 2016: Latviya (86 kq), 2017: Serbiya (86 kq), 2018: Rusiya (86 kq)
Namiq Abdullayev (2 dəfə) – 1997: Polşa (54 kq), 2006: Rusiya (55 kq)
Elman Əsgərov (2 dəfə) – 2002: Azərbaycan (66 kq), 2005: Bolqarıstan (66 kq)
Şərif Şərifov (2 dəfə) – 2010: Azərbaycan (84 kq), 2018: Rusiya (92 kq)
Ağahüseyn Mustafayev (2 dəfə) – 2019: Rumıniya (70 kq), 2020: İtaliya (70 kq)
İlham Abbasov (1 dəfə) – 1993: Türkiyə (62 kq)
Xetaq Qazyumov (1 dəfə) – 2014: Finlandiya (97 kq)
Cəmaləddin Məhəmmədov (1 dəfə) – 2017: Serbiya (125 kq)
Murad Süleymanov (1 dəfə) - 2017: Serbiya (74 kq)
Turan Bayramov (1 dəfə) – 2021: Polşa (70 kq)
Abubakr Abakarov (1 dəfə) – 2022: Macarıstan (86 kq)
Əşrəf Aşırov (1 dəfə) - 2022: Macarıstan (79 kq)
Hacı Əliyev (1 dəfə) - 2022: Macarıstan (65 kq)
Əliabbas Rzazadə (1 dəfə) - 2022: Macarıstan (57 kq)
Maqomedxan Maqomedov (1 dəfə) – 2023: Xorvatiya (97 kq)
Osman Nurmaqomedov (1 dəfə) – 2023: Xorvatiya (92 kq)
37 bürünc
Cəmaləddin Məhəmmədov (4 dəfə) – 2011: Almaniya (120 kq), 2013: Gürcüstan (120 kq), 2018: Rusiya (125 kq), 2020: İtaliya (125 kq)
Arif Abdullayev (3 dəfə) – 1995: İsveçrə (57 kq), 1996: Macarıstan (57 kq), 2002: Azərbaycan (60 kq)
Çamsulvara Çamsulvarayev (3 dəfə) – 2007: Bolqarıstan (74 kq), 2008: Finlandiya (74 kq), 2010: Azərbaycan (74 kq)
Novruz Temrezov (2 dəfə) - 2008: Finlandiya (84 kq), 2009: Litva (84 kq)
Nurməhəmməd Hacıyev (2 dəfə) - 2018: Rusiya (97 kq), 2019: Rumıniya (97 kq)
Cəbrayıl Həsənov (2 dəfə) - 2018: Rusiya (79 kq), 2020: İtaliya (79 kq)
Əli Rəhimzadə (2 dəfə) - 2020: İtaliya (65 kq), 2021: Polşa (65 kq)
Osman Nurmaqomedov (2 dəfə) – 2021: Polşa (92 kq), 2022: Macarıstan (92 kq)
Namiq Abdullayev (1 dəfə) - 1996: Macarıstan (52 kq)
Rustəm Ağayev (1 dəfə) – 2004: Türkiyə (96 kq)
Əli İsayev (1 dəfə) – 2008: Finlandiya (120 kq)
Emin Əzizov (1 dəfə) - 2008: Finlandiya (66 kq)
Şərif Şərifov (1 dəfə) - 2011: Almaniya (84 kq)
Mahmud Məhəmmədov (1 dəfə) - 2011: Almaniya (55 kq)
Aleksandr Qostiyev (1 dəfə) - 2012: Serbiya (74 kq)
Yaşar Əliyev (1 dəfə) - 2013: Gürcüstan (55 kq)
Hacı Əliyev (1 dəfə) – 2016: Latviya (61 kq)
Ruslan Dibirhacıyev (1 dəfə) – 2017: Serbiya (70 kq)
Murtuz Müslümov (1 dəfə) - 2018: Rusiya (70 kq)
Mahir Əmiraslanov (1 dəfə) – 2019: Rumıniya (57 kq)
Aslanbek Alborov (1 dəfə) - 2020: İtaliya (92 kq)
Əfqan Xaşalov (1 dəfə) – 2021: Polşa (57 kq)
Turan Bayramov (1 dəfə) - 2022: Macarıstan (74 kq)
Georgi Meşvildişvili (1 dəfə) – 2023: Xorvatiya (125 kq)
Abubakr Abakarov (1 dəfə) – 2023: Xorvatiya (86 kq)