BAKI, 12 aprel — Sputnik. Honkonqun "South China Morning Post" qəzetinin icmalçısı Daniel Kovani Ukrayna Prezidenti Vladimir Zelenskini vəziyyətlə bağlı son təsir gücünü itirmədən münaqişənin diplomatik yolla həll olmasına çağırıb.
Bu barədə Rusiya mediası xəbər verib.
"Ukrayna liderləri son təzyiq gücləri yoxa çıxmamış öz qürurlarını udmalı və sülh bağlamalıdırlar, münaqişənin axırını və nəticələrini müəyyənləşdirərkən heç bir səs hüququna sahib olmayacaqlar", - deyə ekspert bildirib.
Məqalədə qeyd olunur ki, Ukrayna ordusu artıq mərmi qıtlığı yaşayır və Kiyevin müttəfiqlərinin istehsal gücləri Ukrayna Silahlı Qüvvələrinin (USQ) ehtiyaclarını təmin edə bilmir. Kavani hesab edir ki, avropalı siyasətçilər tezliklə Zelenskiyə verdikləri vədləri yerinə yetirə bilməyəcəklər.
Oxşar fikri bu yaxınlarda amerikalı hərbi analitik Şon Bell deyib. Onun sözlərinə görə, 2023-cü ilin yazında Ukrayna ordusunun gözlənilən əks-hücumu münaqişənin sonu ola bilər. Bell, Qərbin zəifləyən dəstəyi fonunda Rusiyanın qələbəsinə səbəb olan bu hücumda USQ-nin "tezliklə tükənəcəyini" hesab edir.