BAKI, 10 aprel — Sputnik. İlk türk vətəndaşı 2023-cü ilin noyabrında elmi araşdırmalar üçün Beynəlxalq Kosmik Stansiyaya (BKS) gedəcək.
Türkiyə Kosmik Agentliyinin rəhbəri Serdar Hüseyn Yıldırım bu barədə bildirib.
"Cümhuriyyətimizin 100 illiyində Türkiyə vətəndaşı ilk dəfə kosmosa gedəcək. Buraxılış noyabr ayına planlaşdırılıb, o, BKS-ə yollanacaq və elmi araşdırmalar aparacaq", - deyə Kosmik Agentliyin rəhbəri bildirib.
Bundan əvvəl Türkiyə lideri Rəcəb Tayyib Ərdoğan aprelin 11-də ölkəsinin yerli istehsal olan müşahidə peykini orbitə çıxaracağını bildirmişdi.