BAKI, 4 aprel — Sputnik. Belarus Dövlət Təhlükəsizlik Komitəsi (DTK) Rusiya Xarici Kəşfiyyat Xidməti (XKX) ilə iki ölkənin milli maraqlarının qorunmasında "koordinasiyalı yanaşma" barədə razılığa gəlib.
Bu barədə Belarus DTK-nin saytında məlumat verilib.
"Tədbirin nəticələrinə əsasən ikitərəfli tərəfdaşlıq əlaqələrinin inkişafı və möhkəmləndirilməsi üzrə konkret qərarlar qəbul edilib", - məlumatda deyilir.
Bu yaxınlarda Rusiya Xarici Kəşfiyyat Xidmətinin direktoru Sergey Narışkin Rusiya və Belarus xüsusi xidmət orqanları arasında tam etimadın yarandığını bildirib. Narışkin bu barədə Belarus Prezidenti Aleksandr Lukaşenko ilə görüşündə qeyd edib.
Rusiya XKX-nin rəhbəri iki dövlətin qarşılıqlı fəaliyyətini "bərabər qarşılıqlı maraqları təmsil edən nümunə" adlandırıb.
Narışkin həmçinin qeyd edib ki, bu gün Rusiya XKX və Belarus DTK kollegiyasının birgə iclası keçiriləcək.
Lukaşenko ilə görüş zamanı Narışkin onu da bildirib ki, ABŞ, Avropa İttifaqı və Böyük Britaniya Gürcüstanı Rusiya ilə münaqişəyə girməyə və "ikinci cəbhə" açmağa inandırmağa çalışırlar.