BAKI, 26 mart - Sputnik. “Qalatasaray”ın argentinalı hücumçusu İkardi “Instagram” hesabında Bakıdan paylaşım edib.
Futbolçu videoya “Sabahın xeyir, Bakı” yazaraq şəhərin görüntüsünü çəkib.
Xatırladaq ki, Türkiyənin "Qalatasaray" klubu Ağdam təmsilçisi "Qarabağ"la xeyriyyə oyunu keçirmək üçün dünən paytaxta gəlib.
Sözügedən qarşılaşma bu gün Bakı Olimpiya Stadionunda saat 20:00-da başlayacaq.
Sözügedən qarşılaşma bu gün Bakı Olimpiya Stadionunda saat 20:00-da başlayacaq.
Görüşü FIFA referisi Əliyar Ağayev idarə edəcək. Ona yan xətt hakimləri Zeynal Zeynalov və Akif Əmirəli köməklik göstərəcəklər. Dördüncü hakim funksiyasını Tural Qurbanov yerinə yetirəcək. VAR hakimləri isə Cavid Cəlilov və Müslüm Əliyev olacaqlar.
Qeyd edək ki, martın 26-da keçiriləcək "Qarabağ" - "Qalatasaray" oyunundan əldə olunacaq bütün gəlirlər Türkiyədə baş vermiş zəlzələdən zərərçəkənlərə yardım üçün göndəriləcək.