BAKI, 4 mart - Sputnik. Beynəlxalq Futbol Tarixi və Statistikaları Federasiyası (IFFHS) bütün dövrlərdə ən çox qol vuran oyunçuların siyahısını yeniləyib. IFFHS-in xəbərinə görə, portuqaliyalı Kriştianu Ronaldu birinci pillədə qərarlaşıb.
Hazırda Səudiyyə Ərəbistanının "Əl-Nasr" klubunda çıxış edən 38 yaşlı hücumçu karyerası ərzində 709 dəfə fərqlənib.
Fransa PSJ-sinin forvardı Lionel Messi 700 qolla ikinci sıradadır. İlk "3-lüy"ü Braziliya millisinin sabiq üzvü Romario (691) qapayır.
Qeyd edək ki, ən çox qol vuran futbolçu almaniyalı Ervin Helçman olsa da, onun adı siyahıya salınmayıb. Belə ki, oyunçu 1923-1951-ci illərdə Almaniyanın müxtəlif yarışlarında 713 qola imza atıb. lakin hücumçu bunların əksəriyyətini həvəskar çempionatlarda vurub.
(Report)