BAKI, 21 yanvar - Sputnik. Rusiya "taxıl sövdələşməsi" çərçivəsində gəmilərin təftişinin süni şəkildə gecikdirilməsi ilə bağlı ittihamları rədd edir. Bu barədə Rusiya Xarici İşlər Nazirliyinin bəyanatında deyilir.
Sənəddə bildirilir ki, yoxlamaların və keçidlərin siyahısını Ukrayna tərəfi formalaşdırır.
“Biz həmçinin Türkiyənin ərazi sularında 100-dən çox təşəbbüsə qoşuldmuş gəminin olduğu iddia edilən, eləcə də orta gözləmə müddəti 21 gün olan BMT-nin press-relizindəki məlumatları təsdiq etmirik", - deyə açıqlamada bildirilir.
Qeyd olunur ki, hazırda Ukrayna limanlarında və yoxlama zonalarında 64 gəmi dayanıb:
"Onların yoxlanılması və keçməsi üçün prioritetlərin siyahısını Ukrayna tərəfi formalaşdırır. Rusiya nümayəndələri buna heç bir şəkildə təsir göstərmirlər”, - deyə Rusiya Xarici İşlər Nazirliyinin saytında BMT Katibliyinin Qara Dəniz Təşəbbüsü ilə bağlı media üçün dərc etdiyi məlumata dair şərhdə deyilir.