BAKI, 5 yanvar — Sputnik. ABŞ-da Ukraynaya yardıma qarşı çıxan siyasətçilərin sayı çoxalıb.
Bu barədə Amerikanın "Foreign Policy" (FP) nəşri yazıb.
Nəşr qeyd edir ki, ABŞ prezidenti Ukraynanın maliyyələşdirilməsinə qarşı çıxan amerikalı siyasətçilərin sayının artmasını nəzərə almalıdır. Söhbət seçkidən sonra Konqresdə daha çox nəzarət imkanları əldə edən respublikaçılardan gedir.
Bundan əlavə, Co Bayden 2023-cü ildə ABŞ daxilində yeni qiymət artımlarının qarşısını almaq üçün ölkəni lazımi miqdarda enerji resursları ilə təmin etməli olacaq. Bildirilir ki, Amerika lideri mikroelektronika sahəsində ÇXR ilə dövlətin texnoloji rəqabəti məsələsində ölkəni dəstəkləməyə davam edəcək.
Co Bayden daha əvvəl bildirmişdi ki, Vaşinqton Ukraynaya "Bradley" piyada döyüş maşınlarının tədarükü imkanlarını öyrənir.