BAKI, 13 dekabr - Sputnik. NATO müttəfiqləri Ukrayna münaqişəsi səbəbindən “çox real” silah və sursat çatışmazlığı ilə üzləşirlər və onlar ehtiyatları artırmaq üçün müdafiə sənayesi ilə birgə işləyirlər. Bunu ABŞ-ın Şimali Atlantika Alyansındakı daimi nümayəndəsi Culian Smit deyib.
“Səylər NATO alyansı daxilində Ukraynaya böyük təhlükəsizlik yardımı göstərən Estoniya kimi ölkələrdə ehtiyatların azalmasına yönəlib. Onlar çox real qıtlıqla üzləşirlər və tək deyillər. Biz bunu bütün alyansda görürük”, - deyə o bildirib.
Smit onu da əlavə edib ki, eyni problem Ukraynada da var.
Onun sözlərinə görə, Birləşmiş Ştatlar müttəfiqləri ilə birlikdə indi Qərb müdafiə sənayesi şirkətlərini silah istehsalını artırmağa və lazım gələrsə, uzunmüddətli perspektivdə məhsullara tələbatını təmin etməyə davam etdirməyə inandırmağa çalışır.