BAKI, 8 dekabr — Sputnik. Moskva ABŞ-ın anti-Rusiya sanksiyalarına görə öz kursunu dəyişməyəcək. Rusiyanın ixracına yeni məhdudiyyətlər isə xarici tərəfdaşlara zərər verə bilər.
Müvafiq bəyanat Rusiyanın Vaşinqtondakı səfirliyinin "Telegram" kanalında dərc olunub.
ABŞ Ticarət Nazirliyi bundan əvvəl altı ölkədən 24 şirkətə, o cümlədən, on Rusiya təşkilatına qarşı ixrac məhdudiyyətlərini tətbiq edib.
Rusiya nümayəndəliyində qeyd edildiyi kimi, bu qərar Amerika hakimiyyətinin "sanksiya qaşınmasını yatırtmaq" cəhdidir. Maraqlıdır ki, bir sıra firmalar üçün məhdudiyyətlər ilk dəfə deyil.
"Yerli hakimiyyətin bu cür addımları yalnız Amerikanın qeyri-qanuni tədbirlərinin səmərəsizliyini təsdiqləyir. Onlar Rusiyaya təzyiq vasitələrinin bitdiyini göstərirlər", - Mesajda belə deyilir.
Səfirlik, həmçinin, əmin edib ki, bu cür hərəkətlər Rusiya Federasiyasını xarici siyasətdəki suveren kursundan əl çəkməyə məcbur edə bilməz.
Bu arada, dekabrın 7-də Avropa Komissiyası Rusiya tərəfinə qarşı doqquzuncu sanksiya paketini təqdim edib. Məhdudiyyətlər 200-ə yaxın fiziki şəxsə və üç banka aiddir.