BAKI, 6 dekabr — Sputnik. Qətərdə keçirilən DÇ-2022-də xoşagəlməz hadisə yaşanıb.
Qalmaqalın səbəbkarı Kamerun Futbol Federasiyasının prezidenti Samuel Eto'o olub.
Hadisə “Barselona”nın və Kamerun millisinin sabiq hücumçusu stadionun yaxınlığında azarkeşlərlə şəkil çəkdirdiyi vaxtda baş verib. Həmin vaxt hər şeyi kameraya çəkən şəxs Etooya nə isə deyib.
Bundan qəzəblənən kamerunlu gəncin üstünə şığıyıb. Əvvəl onu itələyən futbol veteranı üzünə təpik də vurub. Etoonun əhatəsindəki şəxslərdən biri zərərçəkmişin kamerasını da əlindən alıb. (APA)