BAKI, 5 dekabr - Sputnik. Görkəmli rusiyalı MMA döyüşçüsü Aleksandr Emelianenko etiraf edib ki, heç vaxt yoldan keçənlərlə davaya girişmir və onların təxribatlarına uymur. Bu barədə Rusiya KİV-ləri məlumat yayıb.
Beləliklə, MMA ulduzu rinq və "səkkizbucaq"dan kənarda təsadüfi davadan çəkindiyini etiraf edib.
İdman əfsanəsi əmindir ki, belə qəfil davanın iki nəticəsi var: ya o, yad adama yumruqları ilə ağır xəsarətlər yetirəcək, ya da özü şikəst olacaq.
“Küçədə dava-dalaşdan qaçıram. Birincisi, çünki mən vura bilirəm. Mən bir insana çox ağır xəsarət yetirə bilərəm. İkincisi, indi belə insanlar peyda olub ki, ondan heç nə gözləmirsən... baxırsan ki, yeriyir, amma qolunda bıçaq gozlədib. Bir az diqqətin yayındısa, səni bıçaqladı və qaçdı. Bəs o kimdir? Onu kim axtaracaq? Nə o səni tanımır, nə sən onu tanımırsan. Heç nə ayırd etmədiniz, amma o, sənin canını aldı”, - deyə Yemelianenko bildirib.
Xatırladaq ki, dekabrın 16-da Emelianenko məşhur bloqqer-döyüşçü Svyatoslav Kovalenko ilə döyüşəcək.