BAKI, 4 dekabr - Sputnik. Azərbaycanın fiqurlu konkisürəni Vladimir Litvintsev İstanbulda keçirilən “2022 Bosphorus İstanbul Cup” beynəlxalq turnirində qızıl medal qazanıb.
Azərbaycanın fiqurlu konkisürəni “2022 Bosphorus İstanbul Cup” beynəlxalq turnirində qızıl medal qazanıb
Azərbaycan Qış İdman Növləri Federasiyasından Azərtac-a bildiriblər ki, atletimiz 250,52 xal toplayaraq bütün rəqiblərini qabaqlayaraq birinci olub.
Yarışda mübarizə aparan digər idmançımız Səbinə Əliyeva 105.47 xalla 21-ci pillədə yer alıb.
Azərbaycanın fiqurlu konkisürəni “2022 Bosphorus İstanbul Cup” beynəlxalq turnirində qızıl medal qazanıb
Xatırladaq ki, 2022-ci ilin əvvəlində Qış İdman Növləri Federasiyası yaradılıb. Federasiyanın prezidenti Fuad Nağıyev, baş katibi isə Günel Bədəlova seçilib. Azərbaycan Dağ Xizəyi Federasiyası və Fiqurlu Konkisürmə Federasiyası ləğv olunub.
Qış İdman Növləri Federasiyası dağ xizəyi, snou boldinq, xizək alpinizmi və fiqurlu konkisürmə növlərinin inkişafı ilə məşğuldur.